Қазақстандық танымал күресші Дәулет Тұрлыханов ұлының әрекеті үшін елден кешірім сұрады, - деп хабарлайды KYN.KZ ақпарат агенттігі.

«Ақпанның 11-не қараған түні Алматыда менің ұлым мен заңгерлердің арасында болған оқиғаға қатысты пікір білдіруді жөн деп таптым. Менің ұлым Нұрасыл кәмелет жасына толған, егер оның кінәсі дәлелденсе, оған Қазақстан Республикасының заңдарына сәйкес тиісті шара қолданылады. Сонымен бірге, мен ұлымның әрекеті үшін кешірім сұраймын, - дейді спортшы.

Айта кетейік, бұған дейін Тұрлыхановтың ұлы ұрып-соқты деген адвокаттардың шағымы бойынша қылмыстық іс қозғалып, Алматы қалалық ПД аталған дерек ҚР ҚК-нің  293-бабы «Бұзақылық» бойынша сотқа дейінгі тергеу ісі басталған еді.