Бауырлас түрік елінде 11 күн бұрын болған жер сілкінісі аталған елдегі бірнеше құрылыс компаниясының былығын ашып берді. Осыған орай желіде ұстасаң қолыңда тұрмай, үгітіліп жатқан кірпіштердің бейнежазбасы тарады, деп хабарлайды KYN.KZ. Бүгінгі таңда үгітілген сапасыз кірпіш пен басқа да құрылыс материалдарының кесірінен Нұрдағы қаласы, тіпті жөндеуге келмей, сырылып, толығымен жаңадан салынатын болды. Апатқа дейін Нұрдағыда 18 мыңға жуық адам тұрған. Ал жергілікті билік мұндағы қирандыға айналған әр үйдің астынан 150 адамның денесі табылып жатқанын хабарлады. Жойқын зілзаладан бері 10 күннен аса өткенін ескере отырып, үйінділердің астында ендігі тірі жан жоқ деп, қала мэрі филиппиндік құтқарушылардан бас тартты. Ал, Қазақстанда түрік компанияларының салған үйіне  көп жағдайда сапасына қарай жақсы баға берілетін.  Түркиядағы жағдайдан кейін көптеген мемлекеттер  олардың құрлыс компанияларынан бас тартқан көрінеді. Өйткені өзге ел тұрмақ, өз халқының өміріне немқұрайлы қарағандары басқаларға үрей ұялатары анық.   https://youtu.be/YIZooEwJNoo https://youtu.be/JTmIG3cMvbc