Төрт баласы бар аяғы ауыр әйелдің өлімінде дәрігерлер кінәлі деп танылды, Енді оның жұбайы моральдық зиянды өтеуді талап етіп отыр, деп хабарлайды KYN.KZ mgorod.kz-ке сілтеме беріп. Төрт балалы әйел қайтыс болған соң оның жұбайы моральдық өтемақы талап етіп сотқа жүгінді. Жауапты ретінде ол денсаулық сақтау министрлігін, облыстық денсаулық сақтау басқармасын, аудандық аурухананы және емдеу мекемесінің жеті дәрігерін атап отыр. Оқиға 2018 жылдың 24 сәуірінде 44 жастағы Бибинур Негметова жүктіліктің 29-шы аптасында қан кетумен ауруханаға жеткізілген уақытта болған. Ауруханаға келгенінен көп уақыт өтпей науқас ота үстелінде қайтыс болады. Тергеу үш жылдан астам уақытқа созылды. Сот процесі барысында әйел мен оның құрсағындағы сәбиі аудандық аурухана дәрігерлерінің немқұрайлылығының кесірінен қайтыс болғандығы дәлелденді. Сараптама нәтижесінде уақтылы және сапалы медициналық көмек көрсетілген жағдайда олардың өмірін сақтап қалуға болатыны анықталды. 2022 жылдың 26 сәуірінде сот 60 жастағы дәрігер-анестезиолог Жарқын Тілешовке үкім шығарды. Ол кәсіби міндеттерін дұрыс орындамағаны үшін кінәлі деп танылды. Алайда ескіру мерзімінің аяқталуына байланысты Тлешов жауапкершіліктен босатылды. Сот азаматтық талапты ішінара қанағаттандырды, сотталған адам қаза тапқан Бибінұр Негметованың отбасына алты миллион теңге мөлшерінде моральдық өтемақы, сондай-ақ 920 мың теңге мөлшерінде материалдық өтемақы төледі. Ал жәбірленуші тарап соттан Тілешовке 150 миллион теңге мен бес миллион материалдық өтемақы төлеуге міндеттеуді сұраған. Алайда оқиға мұнымен аяқталған жоқ. Марқұмның жұбайы төрт балаға моральдық өтемақы төлеуді талап етіп, сотқа тағы да талап арыз берді. Жауапты ретінде ол денсаулық сақтау министрлігін, облыстық денсаулық сақтау басқармасын, аудандық аурухананы және емдеу мекемесінің жеті дәрігерін көрсетті. Өтінішінде ол әр балаға 50 миллион теңге тағайындауды өтінді.