Оқиға 27 ақпанда болған. 25-26 ақпанда жауған жаңбыр аралас қар мен қызыл су салдарынан үй іргесіндегі тау баурайынан батпақты топырақ жылжып, екі үйді жартылай басып қалған. Тұрғын үйлердің бірінің қабырғасы қираған. Абырой болғанда адам шығыны жоқ.

"Оқиға орнына төтенше жағдайлар департаментінің, "Қазселденқорғау" ММ, жергілікті атқарушы органдардың қызметкерлері дереу жіберілді. Оқиғаның нақты себептері мен келтірілген залалды анықтау жөніндегі комиссия құрылды. Түскен топырақтың болжамды көлемі 360 текше метр. Екі үйде тұратын 9 адам басқа жаққа уақытша орналасты", - деп хабарлайды облыстық ТЖД баспасөз қызметі.