Ақтөбеде № 53 мектепте мұғалім мен оқушы телефонға қатысты  сөз таластырып, соңында оқушысының ұятты сөзіне шыдамаған ұстаз оны ұрып жіберген, деп жазды KYN.KZ  тілшісі. Белгілі болғандай оқушы сабақ үстінде телефон шұқып, кедергі келтірген. Мұғалім өз кезегінде ескерту жасап, жас баладан сөз естіген. “Диапазон” басылымының жазуынша, жанжал кезінде мектеп оқушысы мұғалімді "кәрі жезөкше" деген. Мұндай қорлыққа шыдай алмаған мұғалім 10-сынып оқушысын шапалақпен тартып жіберген. Мұғалімнің әрекетін  сабақта отырған өзге оқушылар видеоға түсіріп алыпты. Ақтөбе қалалық білім бөлімі жанжал  алгебра сабағында ұялы телефонға байланысты туындағанын мәлім етті. Мектеп әкімшілігі бұл факт бойынша мұғаліммен және оқушымен сөйлесті, екі тарап бір-бірінен кешірім сұрады. Математика пәнінің мұғалімі 21 ақпаннан бастап денсаулығына байланысты демалыста, үйінде ем қабылдап жатыр. Осы сыныптың ата-аналары мен оқушылары математика пәнінің мұғалімінен мектепте жұмыс істеуін сұрайды, - деп түсіндірді қалалық білім бөлімінің басшысы Меткүл Қосымбаева.