Астанада ер адам Subaru көлігін ұрлап айдап кетіп, жол апатына ұшырады. Ұры жол көлік оқиғасы кезінде қайтыс болған, деп жазды "КҮН.КЗ" тілшісі. Апат 18 сәуір күні Астанада болған. Subaru жүргізушісі Тілендиев даңғылынан кейін рөлді басқара алмай, ілеспе бағытта келе жатқан HOWO жүк көлігімен соқтығысты. Апат салдарынан Subaru жүргізушісі ауыр жарақат алып, оқиға орнында мерт болды. Тексеру барысында Subaru ұрланғаны анықталды. "Бұл факт бойынша сотқа дейінгі тергеу басталды. ҚІЖК 201-бабының негізінде тергеу мүддесінде сотқа дейінгі тергеп-тексерудің өзге де деректері жария етілмейді", – деп хабарлады ІІМ.