Білім гранты иегерлерінің тізімі 10 тамызға дейін жарияланады, деп хабарлады ғылым және жоғары білім министрлігінің Ұлттық тестілеу орталығының баспасөз қызметі.
Ұлттық бірыңғай тестілеу басталғаннан бері үміткерлердің 78%-і шекті балл жинады, ал орташа балл 69 болды, деп толықтырды баспасөз қызметі.
Ведомствоның мәліметінше, ҰБТ кезіндегі ең жоғары жиналған балл137 болған.
"ҰБТ-ның бесінші аптасы аяқталды. Осы аптада жоғарғы оқу орындарының қабылдау комиссиялары өз жұмысын бастады, олар 25 тамызға дейін ЖОО-ға қабылдау үшін құжаттарды қабылдайды", - делінген хабарламада.
Сондай-ақ "Педагогикалық ғылымдар" мен "Денсаулық сақтау" бойынша оқуға түскісі келетін талапкерлер үшін міндетті арнайы емтихандар басталды, деп толықтырды ведомство.
7 шілдеге дейін ЖОО-ның шығармашылық емтихандарына қатысу үшін өтініштер қабылданады, емтихандардың өзі 8-15 шілде аралығында өтеді.
"Гранттар конкурсына құжаттарды қабылдау ҰБТ аяқталғаннан кейін 13-20 шілде аралығында өтеді. 10 тамызға дейін мемлекеттік білім гранты иегерлерінің тізімі жарияланады", - дейді Ұлттық тестілеу орталығының директоры Руслан Ембаев.
Айта кету керек, тестілеу басталғаннан бастап бес апта ішінде ерекше білім беру қажеттіліктері бар 606 талапкер ҰБТ-ға қатысты.
"290 талапкер ҰБТ тапсыру мүмкіндігінен айырылды. Тестілеу кезінде ереже бұзғаны үшін аудиториядан 229 адам шығарылды, олардың нәтижелері де жойылды. Бөгде адамдар анықталған жоқ", - деп толықтырды ведомство.
Қорытындылай келгенде, орталықта ҰБТ-2023 аяқталғаннан кейін күнтізбелік жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану және ережелерді бұзу фактілері анықталған жағдайда, оқуға түсушінің ҰБТ нәтижесі жойылады.
Ұқсас жаңалықтар
