Фото: вести.ру сайтынан алынған

Шығыс Қазақстан облысында жарты жыл бұрын із-түссіз жоғалып кеткен әйелді туған баласы өлтірген. 15 жастағы жеткіншек пен анасының арасындағы жанжал ұлының ішімдік ішкенінен басталған, деп жазды KYN.KZ тілшісі informburo- ға сілтеме жасап. Ашуланған анасы баласына ұрсып, тіпті бетінен бірнеше рет ұрып жібереді. Әйелдің ескертуін көтере алмаған жасөспірім ақыры анасына күш жұмсап, басынан таспен ұрып құлатқан. Содан соң мәйітті арбаға салып, бос тұрған көрші үйдің дәретханасына тастаған. Кәмелеттік жасқа толмаған жасөспірімге қатысты сот процесі жабық өтті. Сотта туған анасын өлтірген таксикоман өзінің кінәсін мойындап, жасаған ісіне өкінетінін айтқан. Шешесінің басынан ұрып, денесін дәретханаға лақтырып жіберген 15 жастағы азамат небәрі он жылға бас бостандығынан айырылды.