Талдықорғандағы тергеу абақтысындаға журналист Думан Мұхаметкәрімнің жағдайы туралы адвокат Жалғас Сапарханова хабарлады. 

Адвокаттың сөзінше ата-анасының келуіне жеңіл болу үшін Алматы қаласында орналасқан №72 мекемеге орналасу талабының орындалмай келе жатқанын айтты. 

Журналист Думан Мухаммедкәрім 1 қыркүйекке дейін өз талабы орындалмаса, аштық жариялайтынын, саусағын кесетінін айтқан. 

Бұған дейін де түрмеде саусағын кесуге әрекет жасағаны жайлы:
"Қапаста ешбір темір зат болмағандықтан, пластикалық затты алып саусағын шаппақ болғанда пластикалық зат сынып кеткен, нәтижесінде саусағы жырылып, көгеріп, ісіп кеткен”, – дейді Жалғас Сапарханова.

Еске сала кетейік, Думан Мұхаммедкәрім 21 наурыз күні алаңға шығатынын желіде хабарлап, өзгелерді де оған қосылуға шақырғаны үшін қамауға алынған.