Ұлыбританияда Монти есімді полиция иті құқық қорғау органдарын алдауға тырысқан сериялық педофилді әшкерелеуге көмектесті деп хабарлайды KYN.KZ тілшісі.

Полиция қызметкерлері шілде айының соңында 54 жастағы Эндрю Контентоға тексеру жүргізді. Ер адам бұрын балалар порнографиясын сақтағаны үшін бірнеше рет сотталған. 2015 жылы шығарылған үкімге сәйкес, ол мониторингтік бағдарламаларсыз құрылғылардан интернетке кіруге, шолғыштың тарихын жоюға және балалар көп жиналатын жерлерде, мысалы, саябақтардағы ойын алаңдарының жанында пайда болуға құқылы емес еді. Сонымен қатар, британдық құқық қорғау органдарының бірінші талабы бойынша барлық электронды құрылғыларды тексеруге міндетті болды.

Полиция бөлімінің қызметкерлерінің сапары кезінде педофилден үш гаджетті  тапқан. Кейін электрониканы іздеуге арнайы үйретілген Монти ит бірден рюкзагынан тағы бір смартфон тапты. Смартфоннан  полицейлер жасөспірімдерге қатысты жыныстық зорлық-зомбылық көріністері бар бірнеше бейнелерді тапты.

Жауап алу кезінде қылмыскер бірнеше рет өзін жақтады , бірақ кейінірек ол кінәсін толық мойындады. 23 тамыз сәрсенбіде Ливерпуль Корольдік Соты оны 20 айға қамауға алды.