Қазақстанға танымал балуан жаңа қызметке тағайындалды. Бұл туралы Жамбыл облысы әкімдігінің дене шынықтыру және спорт басқармасы Instagram желісіндегі парақшасында хабарлды. 

"Жамбыл облысы әкімдігінің 2023 жылдың 22 тамызындағы №156 қаулысымен "Жамбыл облысы әкімдігінің дене шынықтыру және спорт басқармасының "Спортты олимпиадалық емес түрлері бойынша дамыту дирекциясы" КММ құрылды. Мекеме басшысы болып 2023 жылдың 31 тамызында Бейбіт Ыстыбаев тағайындалды", - делінген хабарламада.

Бейбіт Ыстыбаев Жамбыл облысы Талас ауданының Бөлтірік шешен ауылында 1985 жылы дүниеге келген. "Қазақстан барысы" турнирінің үш дүркін жеңімпазы. "Еуразия барысында" алтын белдік иеленген. Жамбыл облысы мәслихатының VII шақырылым депутаты, сондай-ақ "Жекпе-жек" клубының директоры болған.