Әлеуметтік желіні шулатқан түрмедегі белсенді Тимур Данебаевты ұрғандар жұмыстан шықты, деп хабарлайды KYZ.KZ тілшісі ulysmedia сілтеме жасап. 

"Сенімді дереккөздерден. Видеода Тимур Данебаевты ұрып-соққан барлық адамдар теріс себептермен жұмыстан шығарылғаны хабарланды. Осы колония бастығы және орынбасарымен бірге. Данебаевтың өзі қауіпсіздік мақсатында басқа мекемеге жеткізіледі. Көкшетау қаласының тергеу изоляторына көшірілуі мүмкін", - деді адвокат.

3 қыркүйек күні әлеуметтік желіні шулатқан видеода колония қызметкерлері әжетхана жуудан бас тартқан белсенді Тимур Дәнебаевты ұрып-соққан. 

"Әлеуметтік желіде тараған видеоға қатысты арнайы құралдарды пайдалану арқылы Ақмола облысы бойынша ҚАЖД әкімшілік мекемесінің заңды талабына бағынбау фактісінің жолын кесуде қызметкерлердің қызметтік жағдайын асыра пайдаланғаны байқалады», - деп мәлімдеді комитет.

Еске салайық, бұдан бұрын Тимур Дәнебаевтың ісі бойынша қызметтік тергеу басталған еді.