Әзілкеш, "Тамаша" театрының актеры Марат Көккөзов 25 жасынан бері тақияны басынан тастамайтынын айтты, деп хабарлайды KYN.KZ тілшісі. Бұл туралы "Ұйқым келмейді" бағдарламасына берген сұхбатында айтқан. 

"Менде төрт тақия бар. Алмастырып кие беремін. Маңғыстауда жүрген кезде ең бірінші рет бас құда болып бардым, келін алуға. Апамыз сонда тақия берген. Содан бастап  тақия мен сақал бар",-дейді әзілкеш.

Бұдан бөлек сұхбатта әзілкештің бұл саладан бөлек жұмыстары жайлы айтылды. Актер Асылбек Боранбай екеуінің  қызықты оқиғаларын баяндап берді. 

Сұхбатта жаңалықтарымен де бөлісті. Тамаша театры жуырда жаңа бағдарлама  дайындайтынын хабарлады. Жаңа жыл немесе наурыз айына жоспарлануда дейді актерлар.