Абай Бегей бірінші жарынан айырылғаннан кейін балаларына мейіріммен қарайды деген мақсатта иманды аруды іздегенін айтқан. Ол мұсылман бағыты бойынша  ұстаздықпен айналысатын қызды тапты, үйленді. Бірақ оның өсіп қалған қыздары әкесінің екінші жарын ұзақ уақыт бойы қабылдай алмай қиналған. Әншінің жары сол қыздарымен алғаш танысқан сәтті жылап отырып есіне алды деп жазды KYN.KZ  тілшіс.

“Түн ортасында жылап отырмын… Үйлену тойымыз болып, тақсыр қыздарды Алматыға алып келемін деді. Үлкен айқай-шу болды, оның шет-жағасы бәріңізге мәлім. Есімде, таңның уақыты, дастархан жайып, әуежайдан тақсыр мен екі қызымды күтіп отырмын. Ішім деген алай-дүлей, бір бөлмеде ары-бері жүрмін.

Бір кезде келді, есікті аштым, екі кызым тұр, бетіме суық қарады (көңіл күйлері жоқ) да ішке кіріп кетті, папалары “амандасыңдар” деп еді, үндемеді. Жүрегім сондай қан жылады, білдіртпедім. Маған мүлдем сөйлемейді, сұрақтарыма жауап бермейді. Барымды салып тәтті тамақтар пісірдім, бірақ жемеді. Тек дұғамды жасап, жаймен жаймен алдастырдым. Әлі күнге дейін сол дұғам мен алдастыру”, – деп жазды Абай Бегейдің келіншегі. 

Сондай-ақ ол өзі туралы жағымсыз пікір жазатын хейтерлерге жауап берді.
“Мені сөгетін адамдарға бір айтарым, әлі күнге дейін мен не істесем де, не айтсам да мың қадам алға ойланамын, саралап, саптап, өлшеп жасап айтамын. Соншама жыл жинаған махаббат пен қарым-қатынас маған қымбат. “Не істесем, ренжімейді, не айтсам, ренжімейді” деген ұранмен өмір сүремін”, – делінген жазбада.