Зуялхан Гасановтың Түркістан облысы құтқарушыларының Төтенше жағдайлар министріне ақша жинағаны туралы мәлімдемесіне қатысты жауап берді. Бұл ақпаратты  ведомство Telegram-дағы ресми арнасында жариялады, деп хабарлайды KYN.KZ тілшісі. 

"Бұған дейін Зуялхан Гасанов (2022 жылы) жала жапқаны үшін азаматтық-құқықтық жауапкершілікке тартылған болатын. Бұл азамат қазіргі уақытта азаматтық қорғау органдарының қызметкері емес, өйткені ағымдағы жылдың мамыр айында теріс себептермен жұмыстан шығарылды. Ол бірнеше рет осындай мәселе бойынша ТЖМ-ға жүгінді, бірақ тексеру нәтижелері бойынша ол көрсеткен дәлелдер расталмады. Осыған қарамастан, өтініште айтылған әрбір факт бойынша сыбайлас жемқорлыққа қарсы іс-қимыл агенттігімен бірлесіп қызметтік тергеу жүргізілетін болады", - делінген хабарламада.

ТЖМ өз қатарында сыбайлас жемқорлықты жою бойынша барлық қажетті шараны жүзеге асырып жатқанын  хабарлады."ТЖМ-нің барлық жеке құрамына, атап айтқанда Түркістан облысының ТЖ департаментіне еске саламыз. Біздің министрліктің барлық қызметкері үшін "WhatsApp" мессенджерінде Төтенше жағдайлар министрі Сырым Шәріпхановтың тікелей телефон нөмірі + 7 747 651 75 88 жұмыс істейді, жедел және шұғыл шешімдерді қажет ететін проблемалық мәселелермен жүгінуге болады. Өтініштің құпиялылығы сақталады", - деп хабарлады ведомстводан.