Қарағанды облысында орналасқан "АрселорМиттал Теміртауға"қарасты Костенко кен орнындағы апаттан қайтыс болған соңғы кеншінің денесі шахтадан жер бетіне шығарылды. Бұл жөнінде марқұмның туыстары хабарлады, деп жазды KYN.KZ тілшісі.

Үш күн бұрын болған өрттен құтқарушылар 46 кеншінің мәйітін алып шықты. Қазақстан тарихында үлкен апат ретінде қалатын қайғылы жағдайға байланысты президент 29 қазанды жалпы ұлттық аза тұту күні деп жариялады.

Кен орнының басшысы ауысып, апат салдарынан жараланғандар мен қайтыс болғандардың туысына  материалдық көмек көрсетілетіні айтылды.