Астана полиция департаментінің мәліметі бойынша , 4 желтоқсан сағат 20:00-ден 5 желтоқсан сағат 07:00-ге дейін 63 жол-көлік оқиғасы тіркелген, деп хабарлайды KYN.KZ.

"Ауа райының қолайсыздығына және жауын-шашынға байланысты жүргізушілерден аса сақ болуды, белгіленген жылдамдықты қатаң сақтауды, тежеуішті бірден баспауды, қашықтықты сақтауды сұраймыз. Жүргізушілер ғана емес, жаяу жүргіншілер де аса сақ болуы керек", - делінген полиция хабарламасында. Зардап шеккендер туралы мәлімет жоқ. Айта кетейік, бір күн бұрын полицейлер астаналықтарға үндеу жасап, жол ережелерін қатаң сақтауға шақырған болатын.