Павлодарда Академик Сәтбаев көшесіндегі патрульдік полиция батальонының қызметкерлері шамамен 11 млн теңге көлемінде айыппұл төлемеген 29 жастағы жүргізуші ұстады, деп хабарлайды KYN.KZ.
 
«Рейд жүргізу кезінде Павлодарда БМВ 745 автокөлігі тоқтатылды. Базаны тексеру кезінде жүргізушінің төленбеген айыппұлдары бар екендігі анықталды. Бұл жүргізушіні сот орындаушылары іздеп жүр», - деді Павлодар облысы ПД бастығының бірінші орынбасары Жасқайрат Қайыров.
 
Полиция 4-14 желтоқсан аралығында «Жазаның бұлтартпастығы» қағидатын орындау мақсатында Павлодар облысының аумағында «Борышкер» жедел-профилактикалық іс-шарасы өткізіліп жатқанын атап өтті.

Көрсетілген кезеңде төленбеген айыппұлдар бойынша 254 борышкермен түсіндіру сұхбаты өткізілді, әрқайсысы жауапкершілік туралы ескертілді.

Олар қазірдің өзінде 6 млн теңгеден астам қарызын төледі. Қорғау мен Кибер - шерифтің бейнетіркеу жүйелерімен 149 сәйкестік тіркелді, автокөліктер арнайы айыппұл тұрақтарына қойылды, сол жерден жүргізушілер өз айыппұлдарын өтегеннен кейін ғана өз көліктерін ала алады.