Еліміздің шығыс пен солтүстік өңірлерінде ауа температурасы түнде 40 градусқа дейін төмендеген, деп хабарлайды KYN.KZ тілшісі КТК арнасына сілтеме жасап.

Ал Жамбыл облысында қалың қар жауып, арты ақтүтек боранға ұласты. Коммуналдық қызметтер калық, облысаралық құтқарушылар мен полиция күшейтілген жұмыс режиміне көшіп, республикалық жабылып жатыр. Қатып қалған көлігін жылытамыз деп өртеп алғандар да бар. Желтоқсанның ызғары әзірге тек оқушыларға ғана қолайлы болып тұр. Себебі өңірлерде мектептер жабылып, балалар қашықтан оқуға көшірілген. Ауа температурасы Көкшетауда 40 градусқа дейін төмендеген. Сарышұнақ аязда жұрт көшеде жүруден қалды. Бірақ синоптиктер ертеңнен бастап аяз сәл де болса сынады деп отыр. Дегенмен облыс аумағында әлі де 33-38 градус сақталады екен.
 

Ақмола облысында 15 республикалық, 53 облысаралық жол дизель отынымен жүретін қоғамдық және жүк көліктерге жабық. 31 бекет қойылған. Ескертуді елемей жолға шыққан 127 көлік діттеген жеріне жете алмай, жарты жолда қалған. Оқушылар төрт күннен бері қашықтан оқуға көшті. Синоптиктер қарашадағы жылымық ауа райынан кейін күннің күрт суытуы желтоқсандағы қалыпты жағдай деп отыр. 

Абай облысын да үш күннен бері үскірік аяз қысып тұр. Сынап бағынасы кей аудандарда 33 градусқа дейін төмендеген. Семейдегі мектептердің 1-9 сынып оқушылары онлайн оқуға мәжбүр. Ал бүрсең қаққан жұртқа автокөлігін қыздыру мұңға айналған. Қатып қалған қозғалтқышын жылтпақ болғанда көлігі отқа оранғандар да бар. Мәселен, өңірде бір күннің ішінде төрт жеңіл көлік күлге айналған.
 

"Зардап шеккендер жоқ. Өрт сөндірушілердің үйлесімді жұмысының арқасында аталған өрт дер кезінде сөндірілді. Өрттердің шығу себебі бірдей – қаупі үлкен агрегатты абайсыз қолдану",-деді Жарқын Тілебалдин,Семей ТЖБ бастығының орынбасары.

Ал қысы жылы Маңғыстау облысында қар жауып, арты көктайғаққа ұласып, көшеде көлік түгілі, адамдардың жүруі қиындаған. Желдің екпіні де қатты. Оқушылар мен колледж студенттері кешеден бері онлайн оқып жатыр. Ал балабақшада кезекші топтар ғана жұмыс істеуде. Бұл балалардың сақтығы үшін керек дейді білім басқармасындағылар. «Ақтау-Жаңаөзен», «Ақтау-Құрық», «Ақтау-Бейнеу», «Ақтау-Форт-Шевченко» тас жолдары жабық. Полиция мен төтеншеліктер трассаларды тексеріп, күні-түні торуылдап жүр.
 

Жамбыл облысында жауған қалың қар күре жолдарды басып қалды. Ақтүтек бораннан көлік қозғалысы қиындап, Алматы-Тараз бағытындағы жол жабылды. Құтқарушылар түнде қар құрсауында қалған 16 адамды жылыту бекетіне жеткізген. Сондай-ақ, ақтүтек боранда адасқан бес азамат аман-есен табылып, қауіпсіз жерге көшірілді.