Белглі блогер Жека  "Дәстүр" подкастында отбасы мен өзі жайлы кеңінен сұхбат берді. Ол ағасына жын кіріп, бүтін әулетті дүрліктіргенін жасырып қалмады.

“Мен одан қорқатынмын әрі жақсы көретінмін. Ұрсатын үлкен ағаларымыз болады ғой. Түнде оянсаң, үстіңнен қарап тұрады. “Қазір өлтіріп тастай ма” деп денем тырысып қорқатынмын. Бәріміз бірге ұйықтайтын едік. Анамды оятатынмын. Анам оянып, айқайлап атын атайтын. Ол артқа қарай қашып кететін. Түнде ұйықтап жатсаң, оятып, “Маған кету керек” деп айтатын. “Маған ақша берші” деп кетіп қалып 3 күн жоқ болып кететін. Үш күннен кейін қайта келетін. Сыртынан қарасаң, біреумен әңгіме айтып отырады. Бөлмеде бір өзі. Қорқынышты еді. Өз-өзіне зақым келтіреді. Күші көп боп кетеді. Көріпкелдігі пайда болды. Қазір анау келеді диді, шынында сол адам кеп тұрады. “Мынау итті өлтіріп тастау керек” деп қоймады. Бір жылдан соң ол ит әкемізді тістеп алды. Сондай заты көп еді”,-деді.

Блогердің сөзінше анасы дәрігер. Қазақылық пен дәстүрлі емді еш қарастырмаған. 

“Мен әліге дейін қараңғыдан қорқамын. Лифт тоқтап қалса, талып қаламын. Қорқыныш бар. Біреу сыртымнан қарап тұратын сияқты болады. Жанымда адам болса, ол сезім болмайды. Басында намаз оқығанда, тіпті басымды көтеруге қорқатынмын.
Ағам 3 күн жоқ боп кетіп, 12 қабаттық ғимараттың жанынан табылған. Сырт келбетінің бәрі зақымданған. Секірген адамның белгілеріне ұқсайды. Бірақ тірі қалды. Содан бастап басқа адамға ұқсап қалды. Түрі өзгерді. Қолы сынып қисайып қалды. Араға 1 жыл салып қайтыс болды. Адамдар бұл тақырыпта жеңіл айтады. Бірақ бұл – ауыр тақырып. Ағама жын кіріп, оны ылғи өлтіргісі келді. Ағам 13 жасымда қайтыс болды”,-деді.