Қазақстанның балалар құқықтары жөніндегі уәкілі Динара Зәкиева Ұлытау өңірінде 5 жыл бойы коммерциялық фермада "құлдықта" ұсталған, асырап алынған балалардың жан түршігерлік оқиғасы туралы айтты, деп хабарлайды KYN.KZ омбудсменнің Инстаграм-дағы парақшасына сілтеме жасап.

Ақпан айының басында облыстық прокуратураның және қорғаншылықтың мобильді топтарын тексергенде бір отбасынан үш бала – 1 қыз және 2 ұл анықталды. Оларды патронаттық отбасы 2018 жылы балалар үйінен алып кеткен. Олар 14, 12, 8 жаста еді. Ең үлкенін қаладан 20 шақырым жердегі өз шаруашылығында ұстап, мал бағуға мәжбүрлеген.

"Шаруашылыққа келген комиссия мүшелері балалардың тұрмыс жағдайынан шошып кетті. Олар көгерген, тыртықтары бар, арық, шаршаған, аш, көздері күңгірт, кір-қожалақ, шүберек киген. Осы жылдар бойы қамқоршы балаларды ұрып-соғып, азаптап, құлдыққа түсіріп қорлап келген. 5 жыл бойы балалардың жәрдемақысын өзі алып отырған. Үлкен қыз колледжді бітірді, бірақ іс жүзінде сабаққа қатыспаған. Екінші ұл колледжде "оқыды". Құзырлы органдар оқу орындарын тексерді. Олар үнемі ауру деген анықтамамен қамтамасыз етілгені белгілі болды",-дейді Динара Зәкиева. 

Кейін Динара Зәкиева балаларды асырап алған ана қамауға алыгғанын мәлім етті.