Қоғам
Түркістан облысында балаларды аяусыз тепкілеген ер адам олардың өгей әкесі болып шықты
- автор kyn.kz
- 22 ақпан, 2024
- 510
![Түркістан облысында балаларды аяусыз тепкілеген ер адам олардың өгей әкесі болып шықты](https://kyn.kz/uploads/resized-images/2024/02/1708609197.png)
Түркістан облысындағы ер адамның балаларды тепкілеген видеоға қатысты Оқу-ағарту министрлігі пікір білдірді
Аталған факті бойынша қылмыстық іс қозғалып, күдіктінің жеке басы анықталды. Ол балалардың өгей әкесі болып шықты, деп хабарлйды KYN.KZ.
Орталық коммуникациялар қызметінде өткен брифингте журналистер Оқу-ағарту министрлігі өкілдерінен ер адамның кішкентай балаларды тепкен видеосын көрген-көрмегенін сұрап, уәкілетті органның қандай шара қолданғанын сұрады.
"Кеше бізге Түркістан облысында өгей әкенің осындай әрекетке барғаны туралы ақпарат түсті. Біз видеоны көрдік. Осы фактілер бойынша қылмыстық іс қозғалып, полицейлер оны тауып, тиісті шара қолдануда", - деді ведомства өкілі.
Балаға зорлық-зомбылық көрсеткен видео көпшілік арасында дау тудырды. Полиция 22 ақпанда күдіктінің ұсталып, уақытша ұстау изоляторына қамалғанын хабарлады.