Қазақстандық кәсіпқой боксшы Геннадий Головкин Қазақстан Республикасының Ұлттық олимпиада комитетінің президенті болып сайланды. Бұл туралы KYN.KZ ҰОК-ның Telegram-дағы ресми арнасына сілтеме жасап хабарлайды.

Бүгін, 26 ақпанда Астанада Қазақстан Республикасы Ұлттық олимпиада комитетінің Бас Ассамблеясының отырысы өтті. Сол отырыста Геннадий Головкин ҰОК-нің жаңа президенті болып сайланды. Бас Ассамблея мүшелері оның кандидатурасын бір ауыздан қолдады.

2015 жылдан бері бұл қызметті Тимур Құлыбаев атқарған еді. Ұлттық олимпиада комитеті – Қазақстанның Олимпиада ойындарындағы құрама командасын реттейтін ұйым. Аталмыш ұйым 1990 жылы құрылды.