Қазақстанның басым бөлігінде жоғары атмосфералық қысым өрісінің әсерінен жауын-шашынсыз ауа райы сақталады.

«Қазгидромет» РМК Қазақстан аймақтарында 2024 жылғы 18 наурызда болатын  қауіпті метеорологиялық құбылыстарға болжау консультациясын жариялады.

Қазақстанның басым бөлігінде жоғары атмосфералық қысым өрісінің әсерінен жауын-шашынсыз ауа райы сақталады. Тек батыста, елдің оңтүстігінде атмосфералық фронтальды бөлімдердің өтуімен ауа-райының тұрақсыз сипаты күтіледі, жаңбыр мен қар түрінде жауын-шашын болады.

Қазақстан бойынша тұман, жел күшейеді, батыста - көктайғақ, оңтүстік-батыста – шаңды дауыл күтіледі.

Бүгін Алматыда күн ала бұлтты болады. Күндіз ауа температурасы 15 градусқа дейін көтеріліп, түнде -3 градусқа дейін түседі. Желдің жылдамдығы 2,8 м/с болмақ.

Астанада синоптиктердің болжамынша, күн ала бұлтты болады. Күндіз ауа температурасы 0 градусқа дейін жетіп, түнде -17 градусқа дейін төмендейді. Желдің жылдамдығы – 3,7 м/с болады.

Шымкентте бүгін күн ала бұлтты болады. Күндіз термометр бағаны 18 градусқа дейін жетіп, түнде 6 градусқа дейін түседі. Желдің жылдамдығы 3,1 м/с деңгейінде болмақ.