Шымкентте қыз алып қашқан жігітке сот үкімі шықты. Желіде танысқан аруды көлікке басып алып қашқан маңғыстаулық азамат 4 жыл шартты жазаға кесілді. Судья айыпталушының сотталмағанын және жәбірленушінің кешірім бергенін ескеріп, осындай шешім шығарыпты, деп жазадды "31-арнаға" сілтеме жасап KYN.KZ тілшісі. 

Бейнебақылау камерасына іліккен оқиға биыл ақпан айында тал түсте көше ортасында болған еді. Жаңаөзеннен Шымкентке келген жігіт қызбен кездесіп, оны алып қашқан. Екеуі инстаграм әлеуметтік желісінде танысқан екен. Кейін бойжеткен полицияға арыз жазып, адам ұрлау бабы бойынша іс қозғалған болатын. Сот барысында прокурор заң бұзған азаматты 4 жылға бас бостандығынан айыруды сұрапты.