Соттың мәліметінше, оған күш қолданып зорлады немесе жәбірленушінің дәрменсіз жағдайын пайдаланды деп айыпталған.

Медеу аудандық соты Элина есімді алматылық тұрғынды зорлады деп айыпталған фотограф Азамат Кенжеғұловқа қатысты үкім шығарды.

Сот оны жәбірленушіге күш қолданып немесе дәрменсіз күйде зорлағаны үшін кінәлі деп таныды. Үкім – бес жылға бас бостандығынан айыру.

Азамат Кенжеғұлов – ірі басылымдармен бірлесіп жұмыс істейтін танымал фотограф, деп жазады KazFem.

Еске сала кетейік, бұған дейін Алматы қаласының тұрғыны Элина зорлау құрбаны болғанын мәлімдеген болатын. Ол тергеудің созылып жатқанын айтты. Оқиға 2023 жылдың 9 наурызына қараған түні – Элина достарымен барда демалып жүргенде болған.

Айтуынша, сол кезде оның алыстан сыйласатын танысы келіп, коктейль ұсынған.

Осыдан кейін мен өзімді қатты мас сезіндім. Құрбым екеуміз үйге бара жатқанда, күдікті сапарды үш мекен жайға бөлуді ұсынды. Менің мас күйде, дәрменсіз күйге түскенімді пайдаланып, маған айтпастан таксиді тоқтатып, өз үйіне апарып, зорлады. Көбіне ес-түссіз жаттым, – дейді Элина.