Мобилограф Қыран Талапбектің әйелі Гүлзада Тұрлаш оның апта сайын қымбат сыйлықтар беретінін айтты, деп KYN.KZ ақпарат агенттігі хабарлайды 

Ерлі-зайыптылар өздерінің әсем өмірлері туралы  “DS show” бағдарламасында әңгімеледі. 

“Мен қазір өзім армандаған өмірді сүріп жатырмын. Бірақ мұның материалдық жағдайға қатысы жоқ. Мен Қыранға тұрмысқа шықпай тұрып-ақ бақуат өмір сүргенмін. Ал қазір рухани тұрғыда бақыттымын. Күйеуің апта сайын қымбат бағалы, бренд әшекей сыйлау үшін ең алдымен Құдайға шүкіршілік айтуды ұмытпау керек. Сосын сол сыйлықты берген адамға алғысыңды жаудырасың", – деді актриса.

Өз кезегінде Қыран Талапбек әйеліне апта сайын сыйлық беру арқылы энергия алатынын айтты. 

“Неге мен әйеліме апта сайын қымбат сыйлық беремін? Өйткені ол не берсем де, шын жүрекпен қуанады, алғысын айтып, қабылдайды. Оның сол қуанған эмоциясын көру маған энергия береді. Соны көру үшін әрекет етемін, жұмыс істеймін. Еркектер ондайдан күш-қуат алады", – деді мобилограф.