!["Шопандармен": қырғыз-тәжік шекарасында атыс болды](https://kyn.kz/uploads/resized-images/2024/05/1715091545.webp)
Қырғыз-тәжік шекарасында атыс болды, деп хабарлайды Қырғызстан Республикасының Ұлттық қауіпсіздік мемлекеттік комитетіне сілтеме жасап KYN.KZ тілшісі.
Баткен облысы Лейлек ауданындағы Ақ-Босого ауылы маңында Қырғызстан шекарашылары сағат 12:20 шамасында мал жайып жүрген тәжік шопандарын анықтаған.
Тәжікстан азаматтары әскери қызметкерлерге тас лақтыра бастаған. Артынша шопандардың бірі шекарашыларға екі-үш оқ атқаны анықталды.
«Қақтығыстың одан әрі өршуіне жол бермеу үшін қырғыз шекарашылары әуеге ескерту оқтарын жаудырды, содан кейін шабуылдаушылар Тәжікстанға қарай шегінді. Қырғызстан шекарашылары арасында зардап шеккендер жоқ", - деп түсіндірді Қырғызстан Республикасы департаментінің баспасөз қызметі.
Тәжікстандықтардың бірі жараланған. Алда екі жақтың шекара қызметкерлері кездесіп, оқиғаны талқылауды жоспарлап отыр.