Шымкентте шала туған сәбидің денесін қорапқа салып, аурухананың алдына қалдырып кеткен әйел ұсталды, деп хабарлайды KYN.KZ ақпарат агенттігі OTYRAR порталына сілтеме жасап.

Бұл оқиға 7 мамыр күні сағат 21:30 шамасында болған. Белгісіз әйел №2 Облыстық перинаталдық орталыққа (Дархан) келіп, шала туылған нәрестенің денесін қорапта қалдырып кеткен. 

"Бұл факт бойынша қала тұрғыны анықталып, ұсталды. Қылмыстық іс қозғалды. Сот-медициналық сараптама тағайындалды. Тергеу шаралары жүргізілуде", - деп хабарлайды Шымкент полиция департаменті.