Экс-министр Қуандық Бишімбаевтың ісінде екінші сотталушы Бақытжан Байжанов 4 жылға сотталды. Бұл туралы KYN.KZ ақпарат агенттігі хабарлайды. 

Алқабилер Бақытжан Байжановты ағасы Қуандық Бишімбаевтың қылмысын жасырғаны үшін кінәлі деп тапты. Сот Байжановты 4 жылға бас бостандығынан айырды.

Прокурорлар Байжановқа Қылмыстық кодекстің 432-бабы – «Қылмысты жасыру» бойынша айып тақты. Онда 6 мың АЕК-ке дейін (2024 жылы 22,1 миллион теңге) айыппұл салу немесе 6 жылға дейін бас бостандығынан айыру немесе бас бостандығын шектеу түріндегі жаза қарастырылған.