Павлодардағы мектептердің бірінде өзінің қатарласы мен ұстазын пышақтаған балаға қатысты қылмыстық іс қозғалды, деп хабарлайды KYN.KZ тілшісі.

Жараланғандардың бірі 16 жаста, ал мұғалім – 59-да. Облыстық денсаулық сақтау басқармасының мәліметінше, оларды хирург дәрігер қараған.

«Зардап шеккен әйел мен балаға алғашқы медициналық көмек көрсетіліп, олар үйіне босатылды», – деп хабарлады Денсаулық сақтау басқармасы.

Полиция басқармасының мәліметіне сүйенсек, оқушы құрдасының арқасы мен иығын, ал ұстазының кеудесі мен иығын жаралаған.