Қызылордада дене шынықтыру пәнінің мұғалімін өз әріптесі өлтірді деп айыпталуда. Қазір тексеріс жүргізіліп жатыр, деп хабарлайды KYN.KZ ақпарат агенттігі. 

"Оқиғаның мән-жайы анықталып жатыр, күдікті қамауға алынды, тергеу мүддесі үшін басқа ақпарат жария етілмейді", – деді департаменттің баспасөз қызметі.

Бұл оқиғаға қатысты облыстық білім басқармасы да түсініктеме берді. Екі мұғалім де еңбек демалысында болған. 

"31 мамырда екі мұғалімнің де еңбек демалысына кеткенін хабарлаймыз, оқиғаның мән-жайын құзырлы орган анықтап жатыр", – деп толықтырды ведомстводан.