Бас мүфти Құрбан айтта кәсіпкерлерді мал бағасын көтермеуге шақырды
- автор Томирис Тоныкөк
- 13 маусым, 2024
- 351
![Бас мүфти Құрбан айтта кәсіпкерлерді мал бағасын көтермеуге шақырды](https://kyn.kz/uploads/resized-images/2024/06/1718245573.webp)
Бас мүфти Наурызбай қажы Тағанұлы кәсіпкерлерден Құрбан айтта мал бағасын қолдан көтермеуге шақырды, деп хабарлайды KYN.KZ ақпарат агенттігі.
Бұл туралы ол Астанада Құрбан айт мерекесіне байланысты өткен баспасөз мәслихатында үндеу жасаған. ҚМДБ баспасөз қызметінің мәліметінше, ол халықтың әлеуметтік жағдайын ескеріп, оңтайлы баға қоюды ұсынған.
«Біз қашанда өзгелерге қайырымдылық жасап, айналамызға шуағымызды төгіп, үлкендердің алғысы мен батасын алып, өсіп-өнген елміз. Халқымызда «Қайырымдылық жасасаң – қайырын өзің көресің» деген нақыл сөз бар. Пайғамбарымыз Мұхаммед (оған Алланың салауаты мен сәлемі болсын): «Кімде кім бауырының қажетін өтесе, Алла оның қажетінде болады. Кімде кім мұсылманның бір қайғысын сейілтсе, Алла оның қайғы-қасіреттерінің бірін сейілтеді», – деген. Осы ретте еліміздегі барша кәсіпкер азаматтарды Құрбан айттың құрметіне мал құнын қолдан көтермей, халықтың әлеуметтік жағдайын ескеріп, оңтайлы баға ұсынуға, жұртымыз күнде тұтынатын азық-түлікке мүмкіндігінше жеңілдік жасауға шақырамын. Құрбан айтты атап өтудің негізгі мақсаты – мұсылмандар арасында өзара мейірімділік, жомарттық, қайырымдылық, қанағат сынды адамгершілік құндылықтарды қалыптастыру. Алланың рақым нұры төгілетін берекелі сәттерде халқымызға жақсылық жасап, көпшіліктің ризашылығына бөленейік», - деп атап өтті Наурызбай қажы Тағанұлы.
Ұқсас жаңалықтар
Түркістан облысында 7 мың адамды жұмыспен қамтитын жылыжай салынып жатыр
- авторkyn.kz
- 7 қыркүйек, 2024