Ұлттық бірыңғай тестілеуде жаңа рекорд орнатылды. Алматы облысы, Талғар ауданы, Қарабұлақ ауылының №22 жалпы білім беретін орта мектебі түлегі Еңсебек Жаннұр барлық сұраққа дұрыс жауап беріп, максималды балл жинады, деп хабарлайды KYN.KZ  сайтының тілшісі.

Осылайша ауылдың баласы жоғары балл алып, дүйім жұртты таңғалдырды. Айта кетейік, кеше ғана жаңаөзендік Абзал Оңғарбаев 139 балл жинап, ең үздік нәтиже көрсеткен болатын. Бір жүйіріктен-бір жүйірік асып, бүгін Еңсебек Жаннұр 140 балл жинап, рекордты жаңартты.