WhatsApp желісінде құтыру ауруына шалдыққан ірі қара малының етін Қырғызстаннан Қазақстанға әкелінгені туралы аудио хабарлама тарап жатыр. Автордың айтуынша, ол етпен бәліш пісіріп сатады, деп хабарлайды KYN.KZ ақпарат агенттігі stopfake.kz-ке сілтеме жасап. 

Бұл ақпаратты ауыл шаруашылығы министрлігі жоққа шығарды

«2011 жылғы 19 қазанынан бері Қырғыз Республикасы аумағынан ауыл шаруашылығы жануарлары: сиыр, қой және шошқа еті әкелінбейді. Егер етті контрабандалық жолмен тасымалдау әрекеті расталса, шекарада бақылауды күшейту бойынша шаралар қолданылады", - деп жазылған ведомство хабарламасында.

Дәл осындай аудиохабарлама 2021 жылы да тараған болатын.

«Айта кету керек, Жамбыл облысында Қырғыз Республикасымен шекаралас аумақта төрт ветеринарлық бақылау бекеті бар: «Қарасу», «Қордай», «Сыпатай батыр» және «Айша-бибі», онда ветеринариялық инспекторлар әкелу кезінде құжаттамалық, физикалық және зертханалық бақылау жүргізеді», - деді.