БҚО-да өз анасын өлтірді деген күдікке ілінген 16 жастағы азаматтың ісі сотқа жіберілді, деп хабарлайды KYN.KZ ақпарат агенттігі.

Жантүршігерлік қылмыс 2023 жылдың 18 қазанында болған. Шыңғырлау өңіріндегі әйел өліміне күдікті ретінде марқұмның 16 жастағы ұлы қолға түсті.

"Істі қылмыстық істер жөніндегі мамандандырылған ауданаралық сотының судьясы Динара Ғылманова қарайды. Сотталушы кәмелет жасқа толмағандықтан сот отырысы жабық есік жағдайында өтеді. Жасөспірімге “кісі өлтіру” бабы бойынша айып тағылған", – делінген сот хабарламасында.