Иранның Исфахан қаласында өткен физика пәні бойынша халықаралық олимпиадада Қазақстан құрама командасы төрт күміс және бір қола медаль иеленді, KYN.KZ ақпарат агенттігі.

Оқу-ағарту министрлігі команда құрамының тізіміні жариялады: 

Марғұлан Нұрсағатов - Алматы қаласындағы Республикалық физика-математика мектебінің 11-сынып оқушысы;

Досжан Бисимби – Алматы қаласындағы «Мирас» халықаралық мектебінің 12-сынып оқушысы; 

Артур Ким - Ақтөбе облыстық дарынды жасөспірімдерге арналған мамандандырылған «Білім-инновация» лицей-интернатының 11-сынып оқушысы; 

Әмір Пшенбаев - Астана қаласы дарынды ер балаларға арналған «Білім-Инновация» лицей-интернатының 11-сынып оқушысы;

Илияс Қазымбек - Астана қаласындағы Республикалық физика-математика мектебінің 9-сынып оқушысы. 

Құрама команданың жетекшілері - Самат Мақсұтов - PhD докторы, SDU University доценті;

Назарали Айтджанов - SDU University физика пәні мұғалімі.

“Қазақстан құрамасын, мектеп ұжымдары мен ата-аналарды айтулы жеңіспен құттықтаймыз!”, – деп жазылған министрлік хабарламасында.