Биыл Алматы қаласына суық ерте түсті. Соған байланысты қала әкімдігі жылу беру маусымы қашан басталатынын айтты, деп хабарлайды KYN.KZ ақпарат агенттігі.

Алматы әкімдігінің баспасөз қызметінің мәліметінше, бес күн бойына мегаполисте орташа тәуліктік температура плюс 8 градус Цельсий және одан төмен тұрақты болған кезде жылумен жабдықтауға кезең-кезеңімен қосылу басталады.

Сондай-ақ, Алматы қаласындағы нысандарды кезең-кезеңімен қосу уәкілетті органның қаулысы негізінде басталатынын айтты.

"Тұтынушылар жылумен жабдықтауға келесі ретпен қосылады:

• балалар, емдеу, мектеп мекемелері, кәсіптік мектептер, медициналық-әлеуметтік мекемелер;
• тұрғын үйлер, жатақханалар, қонақүйлер;
• әкімшілік ғимараттар, оқу орындары, театрлар;
• басқа ғимараттар", - деп бөлісті мегаполис әкімдігі.

Жылыту маусымының нақты басталу күні әлі белгісіз. Ол ауа райы жағдайларына және уәкілетті органның шешіміне байланысты болады.