Қоғам
Айгүл Орынбек: «Мақпал апамның арақ ішкеніне емес, «бейбіт заманда сарбаздар неге өледі?» деп неғып шуламайсыңдар?»
Мақпал апамның арақ ішкені емес, бейбіт заманда сарбаздар неге өледі?,- деп неғып шуламайсыңдар? Қоғамнан талап күшейгенде мемлекет алға дамиды!
Белгілі заңгер Айгүл Орынбек әскери бөлімдерді сыбайласқан жемқорлық жайлағанын айтып, бірақ онымен күресіп жатқан ешкім жоқтығына күйінді. Ол елімізде үш жылдың ішінде 270 сарбаз қайтыс болғанын атап, Бас әскери Прокуратураға сұрақ қойды, деп хабарлайды KYN.KZ ақпарат агенттігі.
Бұл туралы қоғам белсендісі өзінің желідегі парақшасында жазды. Айтуынша, ақиқатты айтқысы келген әскери қызметкерлер қудалануда.
«Біз той тойлап, қонақ күткенді қатырамыз, бірақ өзіміздің азаматтардың жағдайын жасауға келгенде тырықтық жасаймыз! Бейбіт уақытта үш жылда 270 сарбаз қайтыс болған. Соғыс болып жатқан көрші ел Ресей мен Украинада бұндай көрсеткіш жоқ шығар.
Кім кінәлі?
Әрине, “Сыбайласқан жемқорлық”! Әскери бөлімдерді жайлаған сыбайласқан жемқорлықты көп әскери қызметкер ашынып айтқысы келеді.
Бірақ соңында өздері қудаланатынын біліп үндемейді. Қаншама қызметкер ақиқатын айтып, арыз жазып соңында өздері қудаланған.
Бізде адам өліп жатсада жүйеге қарсы шығуға болмайды!
Себебі жүйелі түрде мына елді жеп отырғандар көп!», - дейді заңгер.
Сонымен қатар, ол көпшілікке әншілердің өмірін айтып емес, әскердегі сарбаздардың өліп жатқанына назар аударуға шақырды.
«Бас Әскери Прокуратура!
Әскери қызметкерлер жұмысқа “жауынгерлік кезекшілікке” демалыссыз түсетінін білесіңдер ме?
Әскери қызметкерлерден әр премиядан қолма қол ақшаларын жинап алатынын білесіңдер ме?
Сарбаздардан ақша жинайтынын білесіңдер ме?
Әрине білесіңдер, арыз жазғандарды қудалап “ештеңе анықталмады”, деп жылы жауып қоя саласыңдар! Кейде сендерге жемқорлықтың ашылғаны керек емес сияқты көрінеді. Еліміздің қауіпсіздігін қорғайтын қорғаныстан жемесеңдер болады ғой Жемқорлар!
Біз қалай ел боламыз?
Бейбіт күнде әскерге сау жіберген сарбаз табытпен қайтып жатса?!
Уа қара халық!
Мақпал апамның арақ ішкені емес, бейбіт заманда сарбаздар неге өледі?,- деп неғып шуламайсыңдар? Қоғамнан талап күшейгенде мемлекет алға дамиды!
Әншілердің ішкен тышқанын, кімдермен жатқанын сөз қылатын халқы бар ел ешқашан дамымайды!», - деді Айгүл Орынбек.
Ұқсас жаңалықтар
