Белгілі әнші Жазира Байырбекова тағы да бөпелі болуға қатысты пікір білдірді, деп хабарлайды KYN.KZ тілшісі.

Айтуынша, 50 жасында балалы болған продюсер Баян Алагөзова көп келіншектің үмітін оятты.

«Даратайым 5 жасқа келіп қалды, Аллаға шүкір. Ұлым үйленуге асықпайтын болса тағы бөпелі болсақ қалай болар екен деп ойладым. Баян талай 45 тен асқан келіншектің үмітін қайта оятқан сияқты иә, қыздар. Үйде сәби болғандағы аура басқаша ғой», - деп жазды Байырбекова.

Желі қолданушылары әншінің сөзін қолдап, оған ертерек сәбилі болуды тіледі.