Қыз зорлады деп айыпталған боксшы Жанқош Тұраров әлеуметтік желіде тосын жазбасымен бөлісті, деп хабарлайды KYN.KZ тілшісі.

«ММА-де жекпе-жек өткізсем қалай қарайсыздар?» — деп жазды Жанқош Тұраров Instagram-дағы ресми парақшасында.

Спортшының жанкүйерлері пікір жазып, оны қолдайтындарын жеткізді.

Желі қолданушылары “Боксты жалғастыра бер»; «Мен саған сенемін, әрқашан тек алға»; «Қызық болатын еді»; «Қолдаймыз, шоу керек»; «Бокста алар асуың көп қой» деп жазды.

Еске салсақ, 33 жастағы Жанқош Тұраров соңғы жекпе-жегін 2023 жылы желтоқсан айында өткізді. Жапон боксшысы Акихиро Кондоны төрешілердің бірыңғай шешімімен жеңіп, IBO титулын сәтті қорғаған болатын.