Көкшетау қаласында отандық сериалдарға түскен актер есірткі сатумен айналысқан деген күдікпен ұсталды, деп хабарлайды KYN.KZ тілшісі.

Polisia.kz хабарлауынша, тінту барысында оның пәтерінен электронды таразы, арнайы жабдықтар және жалпы салмағы 1,5 келіге жететін мефедрон мен «аlfa-PVP» синтетикалық есірткісі тәркіленген.

Күдіктінің телефоны тексеріліп, есірткі жасырылған орындардың нақты мекенжайы анықталған.

Тергеу барысында күдіктінің бұған дейін отандық телехикаяларға түскені анықталған. Ол өз кінәсін толық мойындап, қазіргі таңда уақытша ұстау изоляторына қамалды. Құзырлы органдар сотқа дейінгі тергеуді жалғастыруда.