Алматы қаласы Полиция департаментінің Есірткі қылмысына қарсы күрес басқармасы бастығының бұрынғы орынбасары, полиция подполковнигі Асқар Жетегеновті ведомствоаралық тергеу-оперативтік топ ұстады, деп хабарлайды KYN.KZ ақпарат агенттігі CMN.KZ сайтына сілтеме жасап.

Қалалық прокуратураның мәліметінше, ұстау орнында Бас прокуратураның арнайы прокурорлар қызметі жұмыс істеді. Алайда Алматы департаменті оқиғаға қатысты егжей-тегжейлі ақпарат беруден бас тартты. Редакция оқиғаның мән-жайын нақтылау үшін Бас прокуратураға сұрау жолдады.

Журналист Михаил Козачковтың мәліметінше, Жетегеновке ҚР Қылмыстық кодексінің 297-бабы — «Есірткі құралдарын заңсыз дайындау, қайта өңдеу, сақтау, тасымалдау немесе өткізу мақсатында тасымалдау» бойынша күдік келтірілген.