Актер Асқар Жұмабек абақтыдан мерзімінен ерте шықты. Сот мұның себебін түсіндірді, деп хабарлайды KYN.KZ ақпарат агенттігі.

Айта кетсек, актер 2023 жылы Алматыда Little Brazil караоке-барында жаппай төбелеске қатысып, 6 жыл 6 айға сотталған болатын. 2024 жылы 20 тамызда Жоғарғы сот актердің бас бостандығынан айыру мерзімін 4 жыл 15 күнге дейін қысқартты.

Сотта ол жасаған қылмысына өкініп, кешірім сұрады. Жәбірленушілердің адвокаты келтірілген материалдық және моральдық залал толығымен өтелгенін, сотталғанды ​​кешіретінін айтты.  Сот айыпталушының арызын қанағаттандырды. Осылайша актердің өтелмеген жазасы, яғни 2 жыл 5 ай 11 күні – 670 мың 797 теңге айыппұлмен ауыстырылды.