Еліміздің өнер иелері Ақтау маңында құлаған ұшақ апатынан қаза тапқандарға арнап қазақ және әзірбайжан тілдерінде ән шығарды, деп хабарлайды KYN.KZ тілшісі.

"Бір ұяның егізіміз. Ортақ айдын теңізіміз. Бір-бірімізге ең жып-жылы лебізіміз. Бірімізді іздеуменен, не бар бізге бір көрмеген?! Қуаныш пен қайғым ортақ, сіздерменен", – делінген ән мәтінінде.

Әннің видеосы YouTube желісінде жарияланды. Бейнебаянда Әзірбайжан әуе компаниясының ұшағы апатқа ұшыраған сәтінен түсірілген кадрлар бар.

Музыканың авторы Ренат Гайсин, сөздері Данияр Алдаберген мен Эльмира Дехгани.

Еске салсақ, 25 желтоқсан күні Бакуден Грозныйға ұшып бара жатқан ұшақ Ақтау маңында апатқа ұшырады.