40 жастағы Солтүстік Корея президенті Ким Чен Ын елде хот-дог жеуге тыйым салып, ажырасқан жұптарды түрмеге отырғызуға бұйрық берді, деп хабарлайды KYN.KZ ақпарат агенттігі.

диктатор бұл танымал фастфуд тағамын дайындау мен ұсынуды мемлекетке опасыздық деп бағалайды.

Ендігіде көшелерде хот-дог сатқандар немесе үйде шұжықтан жасалған америкалық тағам дайындағандар еңбек лагерьлеріне жіберілуі мүмкін. Тіпті корей және америкалық асханалардың үйлесімінен әзірленетін сорпа, корей бұрышы қосылған паста, кимчи, америкалық шұжықтар мен бұршақ қосылған ащы тағам болып саналатын будаэ-чигэні сатқан немесе дайындағандарды қамауға алу туралы ескерту жасаған.

Ал ажырасқан ерлі-зайыптыларды еңбек лагерьлеріне жіберуді бұйырды. Олар алты айға дейін жазасын өтеуі мүмкін.

RFA дерегіне сенсек, жаңа ережелерде ажырасу аяқталғаннан кейін ерлі-зайыптылардың екеуі де түрмеге қамалады.