Астанадағы қылмыстық істер жөніндегі мамандандырылған ауданаралық әскери сотында "Батыс" өңірлік қолбасшылығының 25744 әскери бөлімі взводының экс-командирі, мерзімді сарбаз Марат Барқұловты өлтірген Дамир Досовтан жауап алынды, деп хабарлайды KYN.KZ ақпарат агенттігі Orda.kz сайтына сілтеме жасап.

22 жастағы зениттік-артиллериялық взводтың экс-командирі Дамир Досов 2024 жылдың 7 қыркүйегінде кезекшілікте болғанын хабарлады. Қаруды алғаннан кейін майор Бағдат Бағдат Майлиев тапаншаның оқталып тұрғанын айтпаған. Экс-командир оқ-дәрілердің жоқтығына көз жеткізгенін айтты. 

«Мен кінәмды мойындамаймын, өйткені мен бұны әдейі жасамадым. Мен шатырға кірдім де тапаншамен ойнап, әрі бері қозғалттым. Сол кезде абайсызда шүріппені басып қалдым. Күтпеген жағдайдан кейін мен бірер секундтқа қатып қалдым. Біздің қарым-қатынасымыз жақсы болған. Ата-аналардан кешірім сұраймын», – деді айыпталушы.