Атырауда тұрғын үй кешенінің құрылыс алаңында екі жұмысшы биіктен құлап кетті, деп хабарлайды KYN.KZ ақпарат агенттігі.

Қайғылы оқиға 20 қаңтар күні болған. Жұмысшының біреуі сол жерде қайтыс болды.

Атырау қаласында салынып жатқан тұрғын үй кешенінің құрылыс алаңында екі жұмысшы 5-қабаттан құлағаны анықталды. Оқыс оқиға орнында 43 жастағы ер адам ауыр жарақаттың салдарынан мерт болды. Ал 33 жастағы ер адам түрлі дене жарақатымен облыстық ауруханаға жеткізілді, – деп нақтылады облыстық Полиция департаментінің баспасөз қызметі. 

Қазір оқиғаға байланысты сот-медициналық сараптама тағайындалып, қылмыстық іс қозғалды. Соған сәйкес кешенді тергеу амалдарын жүргізу басталды.