Орал-Астана бағытына ұшқан FlyArystan ұшағы бір топ құсқа соғылған.  Әуе кемесінің қозғалтқышына зиян келгені анықталды, деп хабарлайды KYN.KZ ақпарат агенттігі.

Құстар ұшаққа Орал әуежайынан шыға салысымен соғылған.

«2025 жылдың 26 қаңтарында Орал-Астана бағытында ұшқан FlyArystan әуе компаниясының FS 7366 рейсі бір топ құсқа соғылды. Ұшақтың қозғальқышы жұмысын тоқтатпаған соң, экипаж сапарды жалғастыра берген. Ал, Астана әуежайына жеткен кезде ұшаққа әжептәуір зақым келгені анықталған. Тіпті, қозғалтқыштың ішінен құстардың қалдығы табылған», - деп хабарлайды Air Astana компаниясының баспасөз қызметі.

Компания ұшаққа құстың қандай түрлері соғылғанын анықтау үшін табылған материалдарды сараптамаға жіберген.