Энергетика министрі Алмасадам Сәтқалиев елімізде АИ-92 бензинінің бағасына қатысты түсінік берді, деп хабарлайды KYN.KZ ақпарат агенттігі.

Ведомство ең жоғары баға ретінде литр үшін 210 теңге болады деп отыр.

Жанармай құю стансалары бағаны күрт көтерген жағдайда, тиісті мәселені антимонополиялық агенттік қарайтын болады.

"Біз айтарлықтай өзгерістер болады деп ойламаймыз. Басылымдарда бензин бағасы литріне 400 теңгеге дейін көтеріледі деген ақпараттар айтылды. Біз бұл жағдайды бақылауда ұстаймыз. Күрт көтерілуге жол бермейміз", – деді Энергетика министрі.